नेपाली बजारमा बिहिबार सुनचाँदीको मूल्य घटेकाे छ । सुनको मूल्य आज पनि प्रतितोला ७ सय रुपैयाँले घटेर लगातार चौथो दिन ओरालो लागेको हो ।

नेपाल सुनचाँदी व्यवसायी महासंघका अनुसनर आज छापावाल सुन प्रतितोला १ लाख ११ हजार ३ सय र तेजाबी सुन प्रतितोला १ लाख १० हजार ७५० रुपैयाँमा कारोबार भइरहेको छ । 

यस्तै,  महासंघले प्रतितोला १० रुपैयाँले घटेसँगै आज चाँदीको भाउ प्रतितोला १३ सय ८० रुपैयाँ कायम भएको जनाएको छ । 

आज अन्तर्राष्ट्रिय बजारमा भने सुन प्रतिऔंस १९ सय १८ अमेरिकी डलरमा कारोबार भइरहेको छ।