पोर्चुगलका विश्वचर्चित फूटबलर क्रिस्टियानो रोनाल्डोले साउदी अरेबियन क्लब अल–नासरबाट पहिलो उपाधि जितेका छन्।

गए राति सम्पन्न अरब क्लब च्याम्पियन्स कपको फाइनल खेलमा प्रतिस्पर्धी अल हिलाललाई अल–नासरले २-१ गोल अन्तरले पराजित गरेको हाे ।
सुरुआती खेलमा अग्रता भने अल हिलालकाे थियो । ५१औँ मिनेटमा माइकलले गरेको गोलबाट हिलालले अग्रता कायम गरेको थियो तर ७४ औँ मिनेटमा रोनाल्डोले गोल गर्दै नासरलाई खेलमा फर्काएका थिए । यसपछि दुवै टिमबाट गोल हुन नसक्दा खेल अतिरिक्त समयमा धकेलिएको थियो ।९८औँ मिनेटमा रोनाल्डोले गोल गर्दै अल–नासरलाई २–१ को अग्रतामा राखेकाे थियाे ।

त्यसपछि अल हिलालले गोल फर्काउन नसक्दा नासरले २–१ को जित सहित अरब कपको उपाधि उचालेकाे हाे ।