रोनाल्डो आबद्ध अल नासर साउदी लिगको पहिलो खेलमा पराजित भएकाे छ । 

गत साता अरब क्लब कपको उपाधि जितेको अल नासरले रोनाल्डो बिना नै मैदानमा उत्रेपछि सोमबार राति भएको खेलमा अल इतिफकसँग पराजित हुन पुगेको हो । इतिफकसँग अल नासर २-१ ले पराजित भएकाे हाे ।

खेल सुरु भएको चौथो मिनेटमा अल नासरलाई साडियो मानेले अग्रता दिलाए पनि त्यो अग्रता अलनासरले कायम गर्न सकेन र दोस्रो हाफ देखी अल नासरको खेलको स्थिति ठिक हुन सकेन । 

दोस्रो हाफको ४७ औं मिनेटमा अल इतिफका रोबिन क्वेजनले गोल फर्काएर खेललाई बराबरीमा ल्याए, त्यसको केही मिनेटमा नै अर्थात ५३ औं मिनेटमा गोलरक्षक नवाफ अल अकिदीको गल्तीमा मौसा डेम्बेलेले गोल गरेर अग्रता दोब्बर पारे । अन्ततः खेल २–१ मा टुंगियो ।