एमालेका शीर्ष नेताहरु चढेको जहाज काठमाडौं फिर्ता, पुनः अर्काे जहाजमा जनकपुर प्रस्थान
जनकपुर विमानस्थल नजिक पुगेर बुद्ध एयरको जहाज काठमाडौं फिर्ता भएको छ । २३ मिनेट उडेपछि प्राविधिक समस्या भन्दै नेकपा एमालेका शीर्ष नेताहरु चढेको जहाज पुन काठमाडौं अवतरण भएको हो ।
नेकपा एमालेको केन्द्रीय सचिवालय बैठक आज सिरहाको धनगढीमाई नगरपालिका–१४ सर्रे अम्बासमा बस्दैछ।
सो सचिवालय बैठकमा सहभागी हुन वरिष्ठ उपाध्यक्ष ईश्वर पोखरेल, उपाध्यक्षहरु सुवास नेम्वाङ, युवराज ज्ञवाली, विष्णु पौडेल, अष्टलक्ष्मी शाक्य, उपमहासचिव प्रदीप ज्ञवाली, विष्णु रिमाल, नेता अमृत बोहरा लगायत बुद्ध एयरको विमानमा जनकपुर जाँदै थिए ।
बैठकमा सहभागी हुन अध्यक्ष केपी शर्मा ओली विराटनगरबाट सिरहा जानेछन् ।
एउटा जहाज फिर्ता भएपछि पुनः अर्काे जहाजमा नेताहरु काठमाडौंबाट जनकपुर प्रस्थान गरेका छन् ।
प्रकाशित मिति: बुधबार, भदौ १३, २०८० ११:२४
प्रतिक्रिया दिनुहोस्
थप राजनीति
साताको लोकप्रीय
-1731565903.jpg)
