त्रिभुवन विमानस्थलमार्फत भएको सुन तस्करी प्रकरणमा नेकपा माओवादी केन्द्रका उपाध्यक्ष कृष्णबहादुर महराका छोरा राहुल महरा पक्राउ परेका छन् । सीआईबीमा सोधपुछका लागि बोलाइएका बेला त्यहीँबाट पक्राउ गरिएको हो ।

महरालाई बुधवार दिउँसो भेपमार्फत भएको ९ किलो सुन तस्करीमा संलग्न भएको आरोपमा पक्राउ गरिएको सीआईबीले   जानकारी दियो ।

तस्करीमा संलग्न ब्यापारीसँग माओवादी उपाध्यक्ष महरा र उनका छोरा राहुलको पटक पटक टेलिफोन सम्पर्क भएको खुले पनि उनीहरुमाथि अनुसन्धान नभएको भन्दै सार्वजनिक रुपमा विरोध भइरहेको थियो ।

पक्राउ पर्नुअघि राहुलले आफू सीआईबीमा जाँदै गरेको उल्लेख गर्दै फेसबूक स्टाटस लेखेका थिए ।