- राजन घिमिरे

बिन्दु पौडेल आफैंमा राम्री गायिका हुन । अष्ट्रेलियाको प्रबासी जिबनमा पनि उनले गायन यात्रालाई निरन्तरता दिइ नै रहेकी छन । प्रबासको ब्यस्त जिबनमा पनि गायनसंगै ब्यापार - ब्याबसायमा पनि आबद्द उनि समय समयमा कलाकारहरूलाई अष्ट्रेलियामा निमन्त्रणा गरेर बिभिन्न कार्यक्रमहरूको पनि आयोजना गर्दै आइरहेकी छन ।

यसै क्रममा महिलाहरूको महान चाड तीजको अबसर पारेर बिन्दुको दिदी बहिनी इभेन्ट्सले तीज साँझ नामक सांस्कृतिक कार्यक्रमको आयोजना गर्ने भएको छ । कार्यक्रम सेप्टेम्बर ९ तारेखका दिन सिडनीको रगडेलमा रहेको इन्द्रेणी फंसन सेन्टरमा हुने भएको छ ।

कार्यक्रममा चर्चित गायक पशुपति शर्मा र गायिका कला लम्सालले बिभिन्न गीत - संगीतहरू प्रस्तुत गर्ने भएका छन -‘ नेपाली लोक गीत - संगीत क्षेत्रका हस्ती पशुपति शर्माको साथमा कला लम्सालसंग नाच्न र गराउंन म सबैमा आमन्त्रण गर्दछु -‘ आयोजक बिन्दु पौडेलले भनेकी छन । यतिबेला पौडेल कार्यक्रमलाई ऐतिहासिक र सम्झना योग्य बनाउंन लागि परेकी छन ।