सुदूरपश्चिम प्रदेशमा समाजवादी मोर्चाको सन्देश सभा भोलि हुने
सुदूरपश्चिम प्रदेशमा समाजवादी मोर्चाको सन्देश सभा भोलि मंगलबार हुने भएको छ ।
भदौ १४ गते हुने भनिएको सभा एमसीसी सम्झौता कार्यान्वयनको विषयलाई लिएर मोर्चा घटक दलहरूबीच विवाद उत्पन्न भएपछि अनिश्चितकालका लागि स्थगित भएको थियो ।
समाजवादी व्यवस्थाको आधार तय गर्ने लक्ष्यसहित गत असार ४ गते माओवादी केन्द्र, एकीकृत समाजवादी, जनता समाजवादी र विप्लव नेतृत्वको नेकपा मिलेर समाजवादी मोर्चा घोषणा भएको थियो । जिल्ला तहसम्म संगठन विस्तार गर्ने नीति बनाएको मोर्चाले भदौ ८ गतेदेखि मधेश प्रदेशको वीरगञ्जबाट प्रदेशस्तरीय सन्देशसभा गर्दै आएको छ ।
सोमबार कोशी प्रदेशमा सभा सकिएपछि धनगढीमा सभा गर्ने तयारी भएको नेकपाका नेता अनिल शर्मा विरहीले जानकारी दिए ।
प्रकाशित मिति: सोमबार, भदौ २५, २०८० १४:०८
प्रतिक्रिया दिनुहोस्
थप राजनीति
साताको लोकप्रीय
-1731565903.jpg)
