- राजन घिमिरे

अन्तत: सिड्नीमा सम्पन्न तीज साँझ भब्य रूपमा सम्पन्न भएको छ । महिलाहरूको महान चाड तीजको अवसर पारेर गायिका एवम् कार्यक्रम आयोजक बिन्दु पौडेलको दिदी बहिनी इभेन्टले आयोजना गरेको तीज साँझ सांस्कृतिक कार्यक्रममा सिड्नी निबासी प्रबासी नेपालीहरूको बाक्लो उपस्थितिले कार्यक्रमको रौनक नै बढाएको थियो ।

कार्यक्रमको आयोजना सेप्टेम्बर ९ तारेखका दिन सिडनीको रगडेलमा रहेको इन्द्रेणी फंसन सेन्टरमा भएको थियो । कार्यक्रममा चर्चित गायक पशुपति शर्मा र गायिका कला लम्सालले बिभिन्न गीत - संगीतहरू प्रस्तुत गरेका थिए ।

यी चर्चित गायिक-गायिकाहरूको गीतमा साथ दिएर र नाचेर सिडनीमा रहनु हुने नेपालीहरूले भब्य रूपमा कार्यक्रमलाई सफल बनाएका थिए । कार्यक्रमलाई ऐतिहासिक र सम्झना योग्य बनाउँन साथ दिनु भएकोमा आयोजक बिन्दु पौडेलले सबैमा धन्यबाद दिएकी छन् ।

उनले भनेकी छन् -' दिदी बहिनी इभेन्टको आयोजनामा लक्ष्मी होम लोनको प्रायोजन रहेको तिज साँझ २०२३ सफल बनाउन सहयोग गर्ने सहयोगी मनहरु, टाईटल स्पोन्सर, स्पोन्सरहरु, कलाकारहरु साथै कार्यक्रममा उपस्थित भएर तिज साँझको शोभा बढाईदिनु हुने हजुरहरु सम्पुर्णलाई मनैदेखि धन्यबाद दिन चाहान्छु -' ।