चोरी गरेर ल्याइएको एक करोड रुपैयाँसहित ९ जना नेपाली भारतमा पक्राउ परेका छन् ।

भारतबाट चोरी गरेर नेपाल छिर्ने क्रममा कञ्चनपुरको बेलौरी र पुनर्वाससँग सीमाना जोडिएको भारतको पिलिभित जिल्लाको सम्पूर्णानगर क्षेत्रबाट ९ जना नेपाली पैसासहित पक्राउ परेका हुन् ।

प्रहरीका अनुसार सोमबार राति दिल्लीबाट उनीहरु पैसा चोरेर ल्याउँदै थिए । मंगलबार राति नेपाल छिर्ने क्रममा पक्राउ परेको प्रहरीले जनाएको छ ।

यसबारे भारतीय प्रहरीले नेपाल प्रहरी र सशस्त्रलाई विस्तृत विवरण दिएको छैन । उनीहरुको परिचय अझै गोप्य राखिएको छ । 

सशस्त्र प्रहरी बल सुदूरपश्चिमले पक्राउ पर्नेमा बाजुरा, अछाम र बझाङका रहेको बताए छन् ।