सुपर फोर अन्तर्गत आफ्नो अन्तिम खेलमा पाकिस्तानविरूद्ध जित निकाल्दै श्रीलंका एसिया कपको फाइनल प्रवेश गरेको छ। एसिया कपकाे यात्रा समाप्त पार्दै पाकिस्तानलाई २ विकेटले पराजित गर्दै श्रीलंका फाइलन पुगेको हो। 

कोलम्बोको आर प्रेमदासा अन्तर्राष्ट्रिय क्रिकेट रंगशालामा वर्षाका कारण खेल ४२ ओभरमा झारिएको थियो।

कोलम्बोको आर प्रेमदासा स्टेडियमा टस जितेर पहिले ब्याटिङ गर्दै पाकिस्तानले सात विकेटको क्षतिमा २५२ रन बनाएको थियो। 

डीएलएस मेथड अन्तर्गत श्रीलंकालाई २५२ रनकै लक्ष्य प्राप्त भएको थियो। श्रीलंकाले ४२ ओभरमा ८ विकेट गुमाउँदै जित हासिल गरेको हो। 

अब १७ तारिखमा उपाधिका लागि भारतसँग श्रीलंका भिड्नेछ।