नेपाल ओलम्पियन सङ्घका अध्यक्ष दीपक विष्ट टर्कीको इस्तानबुल प्रस्थान गरेका छन् ।

आजदेखि सुरु हुने दुईदिने विश्व ओलम्पियन सम्मेलन सङ्घको आयोजनामा इस्तानबुलमा सहभागी हुन उनी गए राति त्यसतर्फ प्रस्थान गरेका हुन्। साे सम्मेलनमा विश्वभरबाट एक सय ५० भन्दा बढी ओलम्पियन सहभागी हुने बताइएको छ ।

विगत दुई वर्षमा नेपाल ओलम्पियन सङ्घले गरेका गतिविधि उक्त सम्मेलनमा प्रस्तुत गर्नेछन्। 

एसियाली ओलम्पियनको भेला नेपालमा आयोजना गर्ने प्रस्ताव उक्त सम्मेलनमा पेस गर्ने ओलम्पियन विष्टले बताए ।

ओलम्पियन विष्टलाई नेपाल ओलम्पिक कमिटीका अध्यक्ष जीवनराम श्रेष्ठ, महासचिव निलेन्द्रराज श्रेष्ठ, नेपाल राष्ट्रिय तथा अन्तर्राष्ट्रिय खेलाडी सङ्घका अध्यक्ष दीपक श्रेष्ठ, ओलम्पियन सङ्घका महासचिव राजेन्द्र भण्डारीलगायतले बिहीबार बिदाइ गरेका हुन् ।