पिएसजीले यस सिजनको युइएफए च्याम्पियन्स लिगमा विजयी शुरुवात गरेको छ ।

समुह चरणको पहिलो खेलमा पिएसजीले डोर्टमण्डमाथि २-० को जित निकाल्दै विजयी शुरुवात गरेको हो । पिएसजीको जितमा किलियन एम्बाप्पे र अचरफ हाकिमीले एक एक गोल गरेका थिए ।

यो जितसँगै समुह एफ मा रहेको पिएसजीले महत्वपूर्ण ३ अंक हासिल गरेको छ ।

त्यसैगरी यस समुहमा रहेका एसी मिलान र न्यूक्यासल भने गोलरहित बराबरीमा रोकिएपछि एक एक अंक बाँडेका छन् ।

न्यूक्यासल युनाइटेडविरुद्ध पिएसजीले अब च्याम्पियन्स लिग अन्तर्गत अर्को खेल अक्टोबर ५ मा खेल्ने तालिका रहेको छ ।