नेपाल सुनचाँदी व्यवसायी महासंघ नेपाली बजारमा बुधबार पनि सुन–चाँदीको मूल्य सार्वजनिक गरेकाे छ ।

सार्वजनिक गरेकाे मूल्य अनुसार अघिल्लो दिन अर्थात् मंगलबारको तुलनामा सुनको मूल्य बुधबार प्रतितोला आठ सय रुपैयाँ घटेको हो।

महासंघका अनुसार आज छापावाल सुन प्रतितोला एक लाख ११ हजार रुपैयाँ र तेजाबी सुन प्रतितोला एक लाख १० हजार चार सय ५० रुपैयाँमा कारोबार भइरहेको छ। 

त्यसैगरी, बुधबार चाँदीको मूल्य पनि अघिल्लो दिन अर्थात् मंगलबारको तुलनामा प्रतितोला १५ रुपैयाँ घटेको हो। 

चाँदी आज प्रतितोला एक हजार तीन सय ८५ रुपैयाँमा कारोबार भइरहेको छ भने अन्तर्राष्ट्रिय बजारमा आज सुन प्रतिऔंस १८ सय ९६ अमेरिकी डलरमा कारोबार भइरहेको छ।