एसियाली खेलकुदको पुरुष क्रिकेटमा नेपालले क्वार्टरफाइनलमा भारतसँग खेल्ने भएको छ । आज भएको ड्र मा नेपालको अन्तिम आठमा भिडन्त भारतसँग हुने तय भएको हो।

क्वार्टरफाइनलमा पाकिस्तान र हङकङ, श्रीलंका र अफगानिस्तान तथा बंगलादेश र मलेसियाबीच प्रतिस्पर्धा हुनेछ।

नेपाल र भारतको खेल मंगलबार बिहान चीनको समय अनुसार बिहान ९ बजे सुरु हुने छ । नेपालले क्वार्टरफाइनलम जित हात पारे पाकिस्तान/हङकङ वा श्रीलंका/अफगानिस्तानसँग सेमिफाइनलमा खेल्नेछ।

समूह चरणमा मंगोलिया र माल्दिभ्सलाई पराजित गर्दै नेपाल क्वार्टरफाइनल प्रवेश गरेको थियो।