काठमाडौंको नयाँ बानेश्वरस्थित बागमती नदी किनारमा एक युवक मृत भेटिएका छन् । जिल्ला प्रहरी परिसर काठमाडौंले बुधबार बिहान सवा ६ बजे काठमाडौं महानगरपालिका-३१ बानेश्वर तरकारी बजार अगाडि बागमती किनारकाे झाडीमा युवक मृत फेला परेको जनाएको छ ।

मृत भेटिनेमा काठमाडौंको बालाजु गोलढुंगा घर भई शंखमुलमा बस्ने २० वर्षीय विकास महराकाे शव सिरिन्जसहित घोप्टो परेको अवस्थामा भेटिएको समेत प्रहरीले जानकारी दिएकाे छ । 

शरीरमा अन्य चोट नदेखिएको र घटनास्थलबाट मृतकको फोन पनि बरामद गरेको प्रहरीले जनाएको छ। 

घटनास्थलको मुचुल्का गरी शव पोष्टमर्टमका लागि आज बिहान साढे ८ बजे महाराजगंजस्थित शिक्षण अस्पताल पठाइएको छ ।

घटनाबारे थप अनुसन्धान भइरहेको प्रहरीले जानकारी दिएको छ ।