यूएईले त्रिकोणात्मक टी—२० क्रिकेट सिरिजको पहिलो खेलमा नेपाललाई १४१ रनको लक्ष्य दिएको छ ।  मुलपानी क्रिकेट मैदानमा टस हारेर ब्याटिङको निम्तो पाएको यूएइले २० ओभरमा ७ विकेट गुमाएर १४० रन जोडेको हो । 

यूएईका लागि बसिल हमीदले सर्वाधिक ५१ रनको अर्धशतकीय पारी खेले । अलि नासरले ३२, मोहम्मद वासिमले १७ र आशिफ खानले १७ रन बनाए ।

नेपालका लागि करण केसीले सर्वाधिक ३ विकेट लिए । गुल्सन झाले २ र सोमपाल कामी र अभिनास बोहोराले समान १–१ विकेट लिए । अहिले नेपालले जवाफी ब्याटिङ थालेको छ।