टी–२० विश्वकप छनोट अन्तर्गत खेलमा घरेलु टोली नेपाल सेमिफाइनलमा पुगेको छ । मङ्गलवार भएको खेलमा मलेसियालाई ६ विकेटले पराजित गर्दै नेपालले लगातार दोस्रो जितसहित सेमिफाइनलमा प्रवेश गरेको हो ।

खेलमा टस जितेर पहिले ब्याटिङ गरेको मलेसियाले ९ विकेटको क्षतिमा १६५ रन जोडेकाे थियाे । मलेसियाले दिएको लक्ष्य नेपालले १८ ओभरमा ४ विकेट गुमाएर पुरा गर्यो ।

कीर्तिपुरस्थित त्रिवि क्रिकेट मैदान मंगलवार दिउँसो सकिएको खेलमा नेपालका लागि कुशल मल्लले ३४ बलमा ७ छक्का र २ चौकासहित ६५ रन बनाए । ओपनर कुशल भुर्तेलले २५ बलमा ४ छक्का र ४ चौकासहित ४३ रन बनाएका थिए ।

बुधबार नेपाल र ओमानबीच समूह विजेता र उपविजेताका निम्ति प्रतिस्पर्धा गर्नेछन् ।