आईसीसी टी–२० विश्वकप छनोट खेलमा युएईविरुद्ध नेपालका लागि सन्दीप लामिछानेले तेस्रो विकेट लिएका छन् ।

मुलपानी मैदानमा अहिले भइरहेको सेमिफाइनलमा टस जितेर नेपालविरुद्ध ब्याटिङ गरिरहेको यूएईले १० ओभरमा तेस्रो विकेट गुमाएको हाे ।

सन्दीप लामिछानेले तेस्रो विकेटका रूपमा विस्फोटक ब्याट्सम्यान आसिफ खानलाई आउट गरे । यूएईले १० ओभरमा ३ विकेट गुमाएर ६२ रन जोडेको छ । १० औँ ओभरको अन्तिम बलमा सन्दीपले आसिफलाई एलबीडब्लू धरापमा पारेका थिए ।

आसिफले १३ रन जोडे। कप्तान मुहम्मद वासिम २६ रन जोडेर आउट भए। अरविन्द भ्रित्या २० रनमा खेल्दैछन् ।