नेपाल सुन चाँदी व्यवसायी महासंघले आजकाे लागि सुन-चाँदीको मूल्य निर्धारण गरेकाे छ । 

महासंघले निर्धारण गरेकाे मूल्य अनुसार आज नेपाली बजारमा सुनको मूल्य तोलामा एक हजार र चाँदीको मूल्य तोलामा २० रुपैयाँले घटेको छ ।

महासंघका अनुसार छापावाल सुनको मूल्य आजका लागि प्रतितोला एक लाख १३ हजार ७ सय र तेजावी सुनको मूल्य एक लाख १३ हजार १५० रुपैयाँ कायम भएको छ । शुक्रबार एक लाख १४ हजार ७ सय रुपैयाँमा छापावाल सुन र एक लाख १४ हजार १५० रुपैयाँमा तेजावी सुनको कारोबार भएको थियो ।

त्यस्तै, आज चाँदीको मूल्य एक हजार ३८० रुपैयाँ कायम भएको छ । शुक्रबार एक हजार ४ सय रुपैयाँमा चाँदीको खरिद बिक्री भएको थियो ।