आज फिफा विश्वकप–२०२६ छनोट चरणको समूह ‘एच’ को दोस्रो खेलमा नेपालले यमनसँग प्रतिस्पर्धा गर्दैछ ।काठमाडौँको त्रिपुरेश्वरस्थित दशरथ रङ्गशालामा बेलुका ७ बजेबाट खेल सुरु हुनेछ ।

फिफा वरीयतामा यमन १५६औँस्थानमा रहेको छ भने नेपाल १७३औँ स्थानमा छ । नेपाल रहेको समूह ‘एच’ मा यमनसँगै यूएई र बहराइन छन् ।

नेपालले दोस्रो चरणको पहिलो खेलमा यूएईसँग ४–० को हार बेहोरेको थियो । यस्तै, बहराइनसँग २–० गोलले पराजित भएको यमन पनि अंकविहीन छ । यसकारण दुवै टोलीलाई अर्को चरणमा प्रवेशका लागि आज खेल जित्नै पर्ने दबाब छ ।

होम एण्ड अवेका आधारमा हुने खेलमा नेपालले सबै टोलीसँग समान २ खेल खेल्नेछ । समूहको शीर्ष २ मा रहने टोली विश्वकप छनोटको तेस्रो चरणमा प्रवेश गदा एएफसी एसियन कपमा समेत छनोट हुनेछन् ।