चिसोबाट जाजरकोटको कुशे गाउँपालिकामा एक बालिकाको मृत्यु भएको छ ।  गाउँपालिकाको वडा नं. १ स्याग्रीका सुनील बादीकी तीन वर्षीया छोरी रक्षा वादीको चिसोले कठ्यांग्रिएर मृत्यु भएको हो।

निमोनियापछि अस्पताल लैजाने क्रममा बालिकाको छेडागाडस्थित मटेलामा निधन भएको गाउँपालिका अध्यक्ष हरिचन्द्र वस्नेतले जानकारी दिए ।

गत कात्तिक १७ गतेको भूकम्पले घर चर्किएपछि मृतक बालिकाको परिवार पालमुनि बस्दै आएको थियो ।