नेपाल सुनचाँदी व्यवसायी महासंघका अनुसार आज (बिहीबार) नेपाली बजारमा सुनको मूल्य स्थिर रहेको छ । लगातार तीन दिन नयाँ रेकर्ड कायम गरेको सुनको मूल्य यसदिन स्थिर रहको हो ।

बुधबार हालसम्मकै उच्च बिन्दुमा पुगेको सुनकाे मूल्य एक लाख १९ हजार तीन सय रूपैयाँमा कारोबार भएको बिहीबार पनि सोही मूल्यमा अर्थात् छापावाल सुन प्रतितोला एक लाख १९ हजार तीन सय रूपैयाँ र तेजाबी सुन प्रतितोला एक लाख १८ हजार सात सय ५० रूपैयाँमा कारोबार भइरहेको छ । 

त्यसैगरी, बिहीबार चाँदीको मूल्य पनि स्थिर रहेको छ । बुधबार प्रतितोला १५ सय २० रूपैयाँमा कारोबार भएकाे चाँदी आज पनि सोही मूल्यमा कारोबार भइरहेको छ ।

आज अन्तर्राष्ट्रिय बजारमा भने सुन प्रतिऔंस दुई हजार ४५ अमेरिकी डलरमा कारोबार भइरहेको छ ।