सिन्धुलीमा बिरामी बोकेको एम्बुलेन्स ट्रकसँग ठोक्किँदा ५ जना घाइते भएका छन् । महोत्तरीबाट बिरामी लिएर आउँदै गरेको ज १ च ८२४ नम्बरको एम्बुलेन्स आज बिहान २ बजे  बीपी राजमार्गस्थित सिन्धुलीको गोलन्जोर गाउँपालिका ७ माथिल्लो बारामा सडक छेउमा रोकी राखेको बा ३ ख ६७९० ट्रकसँग ठोक्किएर दुर्घटना भएको हो ।

सिन्धुलीका एसपी राजकुमार सिलवालका अनुसार २ वर्षीय  बालकलाई उपचारका लागि काठमाडौं ल्याइँदै थियो । दुर्घटनाबाट ती बालकको टाउकोमा चोट लागेको छ ।

एम्बुलेन्समा सवार महोत्तरीको महोत्तरी नगरपालिका १ का ४० वर्षीय ईकरामुल अन्सारी, २५ वर्षीय कलाम अन्सारी, २० वर्षीया चाबोला खातुन, १ वर्षीय बालक अवरार अन्सारी र भंगाहा नगरपालिका १ का २१ वर्षीय जयकुमार राउत घाइते भएका छन्।

दुर्घटनाबाट एम्बुलेन्समा क्षति भएको बताइएको छ।