आइतबार पनि नेपाली बजारमा सुनको मूल्यले नयाँ रेकर्ड कायम गरेकाे छ । यसअघि बुधबार हालसम्मकै उच्च मूल्यमा सुनको कारोबार भएको थियो । 

अघिल्लो दिनको तुलनामा आज प्रतितोला एक हजार आठ सय रूपैयाँ बढेर नयाँ रेकर्ड कायम भएकाे हाे । 

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख २० हजार आठ सय रूपैयाँ र तेजाबी सुन प्रतितोला एक लाख २० हजार दुई सय रूपैयाँमा कारोबार भइरहेको छ । 

शुक्रबार छापावाल सुन प्रतितोला एक लाख १९ हजार रूपैयाँ र तेजाबी सुन प्रतितोला एक लाख १८ हजार चार सय ५० रूपैयाँमा कारोबार भएको थियो ।

यस्तै, आइतबार चाँदीको मूल्य पनि बढेको छ । 

शुक्रबार प्रतितोला १ हजार पाँच सय ४० रूपैयाँमा कारोबार भएको चाँदी आइतबार प्रतितोला १ हजार पाँच सय ४५ रूपैयाँमा काराेबार भइरहेको छ । यो मूल्य अघिल्लो दिनको तुलनमा प्रतितोला पाँच रूपैयाँ बढेको हो ।

अन्तर्राष्ट्रिय बजारमा आज सुन प्रतिऔंस दुई हजार ७३ अमेरिकी डलरमा कारोबार भइरहेको छ ।