सोमबार बिहान नेकपा एमालेका अध्यक्ष केपी शर्मा ओली दैलेखको दुल्लु पुगेर पेट्रोलिएम पदार्थ उत्खनन् क्षेत्रको अवलोकन गरेका छन् । एमालेले सुरु गरेको मेची महाकाली पदयात्राको क्रममा अध्यक्ष ओलीसहितका एमाले नेताहरु आज बिहान दुल्लु पुगेर त्यहाँकाे अवलोकन गरेका हुन् ।

अध्यक्ष ओलीले दुल्लु भैरवी १ स्थित पेट्रोलियम पदार्थ उत्खनन क्षेत्रको अवलोकन गरेका हुन् । अवलोनका क्रममा उनले त्यस सम्बन्धी आवश्यक जानकारी लिएका छन् ।

श्रीस्थान मन्दिरको पनि अध्यक्ष ओलीले दर्शन गरेका छन् ।

एमालेले सुरु गरेको ‘झुलाघाट-चिवाभञ्ज्याङः समृद्धिका लागि सङ्कल्प यात्रा’ अभियान अन्तर्गत आज दिउँसो सुर्खेतको पार्टी कार्यालय परिसरमा जनसभाको आयोजना गरेको छ । साे जनसभामा अध्यक्ष ओलीसहितका नेताले सम्बोधन गर्ने कार्यक्रम रहेकाे छ ।