नेपाल सुपर लिग (एनएसएल) २०२३ अन्तर्गत आज एफसी चितवन र एफसी बुटवल लुम्बिनीबीच खेल हुँदैछ । 

साँझ ५ बजे त्रिपुरेश्वरस्थित दशरथ रंगशालामा सुरु हुने खेल दुवै टोलीका लागि चौथो खेल हुनेछ । यसअघि दुवैले समान एक खेल जितेका छन् । 

चितवन ३ खेलबाट ४ अंकसहित पाँचौ स्थानमा छ । समान खेलबाट ३ अंक रहेको बुटवल लुम्बिनी सातौं स्थानमा छ । दुवै टोलीलाई आजको खेलमा जित निकाल्दै अंक तालिकामा सुधार गर्ने अवसर छ ।