आजदेखि एसीसी यू – १९ एसिया कप क्रिकेट सुरू हुँदैछ । ८ देश सहभागी यू-१९ कप यूएईमा आजदेखि सुरु हुने लागेको खेलमा नेपालले पाकिस्तानसँग प्रतिस्पर्धा गर्नेछ ।

दुबईको आइसिसी एकेडेमी ओभल-२ मा नेपाली समय अनुसार बिहान ११ः १५ बजे नेपाल र पाकिस्तानबीचको उक्त खेल सुरु हुनेछ । नेपाल समूह ‘ए’ मा रहेको छ । 

नेपालसहित समूह ‘ए’ मा भारत, पाकिस्तान र अफगानिस्तान छन् । अर्को खेल भारत र अफगानिस्तानबीच हुनेछ । समूह ‘बी’ मा भने बङ्गलादेश, जापान, श्रीलङ्का र यूएई रहेका छन् ।

दोस्रो खेल नेपालले मंसिर २४ मा अफगानिस्तानसँग र समूहको अन्तिम खेल भारतसँग मंसिर २६ मा खेल्नेछ । फाइनल पुस भने १ मा हुनेछ ।

नेपाली टिम : देव खनाल (कप्तान), गुल्सन झा, अर्जुन कुमाल, आकाश त्रिपाठी, दीपक डुम्रे, हेमन्त धामी, , दीपेश कँडेल, विशाल विक्रम केसी, सुभाष भण्डारी, दीपक बोहोरा, उत्तम थापामगर, विपिन रावल, तिलक राजभण्डारी, आकाश चन्द र दीपक बोहरा ।

नेपालले सन् २०२४ को जनावरीमा दक्षिण अफ्रिकामा यू-१९ विश्वकप खेल्दैछ । त्यसअघि नेपालले एसिया कप खेल्न लागेको हो । नेपालले यसअघि मलेसियामा भएको एसिसी प्रिमियर कप जितेर एसिया कपमा स्थान पक्का गरेको थियो ।