नेपाल सुपर लिग (एनएसएल) मा आज वीरगञ्ज युनाइटेड र झापा एफसीबीच प्रतिस्पर्धा हुँदैछ ।  त्रिपुरेश्वरस्थित दशरथ रङ्गशालामा खेल साँझ ५ बजेदेखि शुरु हुनेछ । 

दुवै टिमले प्रतियोगितामा यसअघि तीन/तीन खेल खेले पनि जित निकाल्न सकेका छैनन् । एक अङ्क जोडेको वीरगञ्ज तालिकाको पुछारमा छ। तीन खेलबाट दुई अङ्क जोडेको झापा तालिकाको आठौँ ​स्थानमा छ ।

वीरगञ्जले दुई खेलमा हार बेहोर्दा एक खेलमा बराबरी खेलेको छ । यता झापाले तीन खेलमध्ये दुईमा बराबरी र एक खेलमा हार बेहोरेको छ ।