नेपाल सुपर लिग (एनएसएल) को तेस्रो चरणको खेलमा आज काठमाडौँ रेजर्स र पोखरा थण्डर्सबीच खेल हुँदैछ । साँझ साढे ५ बजे त्रिपुरेश्वरस्थित दशरथ रंगशालामा हुने खेलमा यी दुई टोली आमनेसामने हुनेछन् ।

पोखरा र काठमाडौं दुवैको यो पाँचौ खेल हो। चार खेलमा दुई जित र दुई बराबरीबाट ८ अंक जोडेको पोखरा तेस्रो स्थानमा छ भने काठमाडौं चार खेलबाट ५ अंकसहित पाँचौ स्थानमा छ ।

यही मंसिर ८ गते शुरु भएको एनएसएलको यो दोस्रो संस्कारण हो, जसमा ९ टिम सहभागी छन् । जसमा काठमाडौँ रेजर्स, धनगढी एफसी, बुटवल लुम्बिनी एफसी, स्पोर्टिङ इलाम डे मेची एफसी, चितवन एफसी, झापा एफसी, वीरगन्ज एफसी, ललितपुर सिटी एफसी, एफसी बुटवल लुम्बिनी र पोखरा थण्डर्स सहभागी छन् ।