अछाममा जीप दुर्घटना हुँदा १३ जना घाइते भएका छन् ।

मङ्गलसेन नगरपालिका-६, ठूलासैन नजिकै मध्यपहाडी पुष्पलाल राजमार्गमा हुम्ला जिल्लाको सिमीकोट गाउँपालिका-३ का कार्बु लामाले चलाएकोे भे १ च २५७६ नम्बरको जीप दुर्घटना भएको हो । दुर्घटनामा परी जीपमा सवार १४ जनामध्ये १३ जना घाइते र एक जना सामान्य घाइते भएका हुन् ।

घाइतेहरूको जिल्ला अस्पतालमा उपचार भइरहेको प्रहरीले बताएकाे छ । बाजुराबाट सुर्खेततर्फ जाँदै गरेको जीप ओरालोमा एक्कासि ‘ब्रेक फेल’ भई सडकको किनारमा पल्टिएको थियो ।