प्रधानमन्त्री कप राष्ट्रिय महिला टी–२० क्रिकेट प्रतियोगितामा कोशी प्रदेशले मधेस प्रदेशलाई १३० रनको लक्ष्य दिएको छ ।

कीर्तिपुुरस्थित त्रिवि अन्तर्राष्ट्रिय क्रिकेट मैदानमा जारी खेलमा कोशी प्रदेशले निर्धारित २० ओभरमा ४ विकेटको क्षतिमा १२९ रन बनाएको हो ।  

कोशीका लागि रुबिना क्षेत्रीले ६४ बलमा ९ चौका प्रहार गर्दै ५७ रन र अप्सरी बेगमले ३९ रन बनाए । मधेसका लागि मीना महत्तोले २ तथा पूजा महत्तो र सरस्वती कुँवरले भने १–१ विकेट लिए ।  

मधेश प्रदेश यसअघि खेलेको दुवै खेलमा पराजित भएको थियो । कोशीले भने यसअघि आफूले खेलेको दुवै खेलमा जित हात पारेको छ ।