अवैधरूपमा भारतबाट भन्सार छलेर बिक्रीका लागि नेपाल ल्याइएका रु १५ लाख बराबरको मोबाइलसहित बारा प्रहरीले एक जनालाई पक्राउ गरेको छ ।

प्रहरीले बुधबार बारागढी गाउँपालिका वडा नं ३ खोपवा टोल बस्ने रूपनारायण चौधरीलाई पक्राउ गरेको प्रहरीले जानकारी दिएकाे छ । प्रहरीले विभिन्न कम्पनीका ५१ थान एन्ड्रोइड मोबाइल र चार्जर चौधरीको घरबाटै बरामद गरेको हो। 

विशेष सूचनाका आधारमा जिल्ला प्रहरी कार्यालय बाराबाट खटिएको  प्रहरी टोलीले चौधरीको घरमा खानतलासी गर्दा विभिन्न कम्पनीका मोबाइल सेट, ४८ थान चार्जर, ब्याट्री नौ थान र मोबाइल कभर १४ थान गरी १५ लाख रुपैँया मूल्य बराबरको सामान जफत गरेको छ । 

जिल्ला प्रहरी कार्यालय बाराले चौधरीलेलाई हिरासतमा राखी थप अनुसन्धान भइरहेको जनाएको छ ।