इंग्लिस प्रिमियर लिग अन्तर्गत खेलमा ब्राइटनले टोटनह्यामलाई पराजित गरेको छ । गएराती सम्पन्न खेलमा ब्राइटनले टोटनह्यामलाई ४-२ गोल अन्तरले पराजित गरेको हो ।

ब्राइटनको जितमा जोआओ पेड्रोले २ गोल गरेका थिए । त्यस्तै, ज्याक हिन्शेलवूड र पेर्भिस एस्तुपिनानले एक एक गोल गरेका थिए । ब्राइटनको यस सिजनमा यो आठौँ जित हो । यो जितपछि ब्राइटन १९ खेलमा ३० अंकसहित आठौँ स्थानमा उक्लिएको छ ।

टोटनह्यामका लागि भने अलेजो भेलिज र बेन डेभिसले एक एक गोल गरेका थिए । टोटनह्यामको भने यो यस सिजनमा पाँचौं हार हो ।

१९ खेलमा ३६ अंक रहेको टोटनह्याम लिगको पाँचौं स्थानमा रहेको छ ।