इंङ्लिश प्रिमियर लिग अन्तर्गत बोर्नमाउथमाथि टोटनह्यामले शानदार जित हासिल गरेको छ । आइतबार राति सम्पन्न खेलमा टोटनह्यामले बोर्नमाउथलाई ३-१ गोल अन्तरले पराजित गरेको हो ।

यस सिजनमा यो टोटनह्यामको १२औं जित हो । यस जितपछि २० खेलमा ३९ अंक भएको टोटनह्याम पाँचौं स्थानमा रहेको छ । त्यस्तै, बोर्नमाउथको भने १९ खेलमा २५ अंक रहेको छ र अंक तालिकामा १२औं स्थानमा रहेको छ ।

टोटनह्यामको जितमा पापे माटर सार, सन हेंग मुन र रिचार्लिशनले एक एक गोल गरेका थिए । त्यसैगरी, बोर्नमाउथका लागि एक गोल एलेक्स स्कटले गरेका थिए ।