फ्रेन्च सुपर कपको उपाधि पिएसजीले जितेको छ ।

गएराति सम्पन्न फाइनल खेलमा पिएसजीले टोउलोउसलाई २-० गोल अन्तरले पराजित गर्दै सुपर कपको उपाधि हात पारेको हो । पिएसजीको जितमा ली कांग इन र किलीयन एम्बप्पेले एक एक गोल गरेका थिए ।

फ्रेन्च सुपर कप हरेक बर्ष लिग वानको पछिल्लो विजेता र फ्रेन्च कोपाको विजेता बीच खेल्ने गरिन्छ ।

पिएसजीले फ्रेन्च सुपर कप योसहित १२ औं पटक जितेको छ । २०२२ मा पनि पिएसजीले नै सुपर कपको उपाधि जितेको थियो ।