त्रिभुवन अन्तर्राष्ट्रिय विमानस्थलबाट एक जना महिला सुनसहित पक्राउ परेकी छन् । १ हजार ३ सय ग्राम सुनसहित शनिबार मध्यराति १२:०५ बजे फ्लाई दुबईमार्फत काठमाडौं आएकी श्रीलंकन महिला पक्राउ परेकी हुन् ।

अन्दाजी ४५ वर्षीया महिला कान्थीम्याथी कभास्करले भित्री वस्त्रमा सुन लुकाएर ल्याएको विमानस्थल प्रहरीले जानकारी दिएको छ । उनले धुलो बनाएर सुन लिएर आएकी थिइन् ।

घटनाबारे प्रहरीले थप अनुसन्धान गरिरहेको छ ।