नेपाल सुनचाँदी व्यवसायी महासंघले सुनचाँदीकाे मूल्य सार्वजनिक गरेकाे छ । सार्वजनिक गरेकाे मूल्य अनुसार आज नेपाली बजारमा सुनको मूल्य स्थिर छ भने चाँदीको घटेको छ । 

आइतबारदेखि छापावाल सुन प्रतितोला एक लाख १८ हजार चार सय रूपैयाँ र तेजाबी सुन प्रतितोला एक लाख १७ हजार आठ सय ५० रूपैयाँमा कारोबार भएको सुन महासंघका अनुसार मंगलबार पनि यही मूल्यमा कारोबार भइरहेको छ । 

त्यस्तै, महासंघका अनुसार आज चाँदी प्रतितोला १३ सय ७० रूपैयाँमा कारोबार भइरहेको छ । अघिल्लो दिन चाँदी प्रतितोला १३ सय ९० रूपैयाँमा कारोबार भएको थियो । मंगलबार चाँदीको मूल्य भने प्रतितोला २० रूपैयाँ घटेको छ । 

अन्तर्राष्ट्रिय बजारमा आज सुन प्रतिऔंस दुई हजार २८ अमेरिकी डलरमा कारोबार भइरहेको छ।