ताजकिस्तान एएफसी एशिया कप फुटबलको क्वाटरफाइनलमा प्रवेश गरेको छ । आइतबार राति भएको खेलमा ताजकिस्तानले युएईलाई पेनाल्टी सुटआउटमा ५-३ गोलकाे अन्तरले पराजित गर्दै अन्तिम ८ मा स्थान पक्का गरेको हो ।

निर्धारित समय एक एक गोलेको बराबरीमा सकिएपछि थप गरिएको अतिरिक्त समयबाट पनि नतिजा निस्किएन । अन्ततः पेनाल्टी सुटआउटमा ताजकिस्तान ५–३ ले जित निकाल्दै क्वाटरफाइनलमा प्रवेश गर्न सफल भयो ।

त्यसपछि थप गरिएको ३० मिनेटमा दुवै टोलीबाट गोल ननिस्कएपछि पेनाल्टी सुटआउटको सहारा लिनु परेको थियो ।

ताजकिस्तानका अख्तम नजरोव, वाहदत हनोनोव, एहसन पंजशावे, रुस्तम सोइरोव र अलीशेर शुकरोव गरी पाँचै जनाले गोल गरे भने युएईका ३ जना मात्र सफल भएका थिए । युएईका अब्दुल्ला इदरीस, फाबियो लिमा र अली सालेहले गोल गर्दा काइओ क्यानेडोको प्रहार विफल भएपछि युएई प्रतियोगिताबाटै बाहिर हुन पुग्यो ।

यसअघि आइतबारको खेलमा विजयी हुँदै अस्ट्रेलियाले पनि अन्तिम ८ मा स्थान पक्का गरिसकेको छ ।