नेपाल सुनचाँदी व्यवसायी महासंघले बुधवारका लागि सुनचाँदीकाे मूल्य निर्धारण गरेकाे छ । साे निर्धारण गरेकाे मूल्य अनुसार मङ्गलबारकाे तुलनामा बुधवार सुनको मूल्यमा सामान्य वृद्धि भएको छ ।

महासंघका अनुसार आज छापावाल सुन प्रतितोला एक लाख १८ हजार सात सय रूपैयाँ र तेजाबी सुन प्रतितोला एक लाख १८ हजार एक सय ५० रूपैयाँमा कारोबार भइरहेको छ । याे मूल्य अघिल्लो दिनको तुलनामा प्रतितोला एक सय रूपैयाँ बढेको हो ।

त्यसैगरी, बुधवार चाँदी तोलामा १ हजार ४२० रुपैयाँमा कारोबार भइरहेकाे छ । अघिल्लो दिन पनि चाँदी सोही मूल्यमा कारोबार भएको थियो । 

आज अन्तर्राष्ट्रिय बजारमा भने सुन प्रतिऔंस दुई हजार ३४ अमेरिकी डलरमा कारोबार भइरहेको छ ।