क्यानडाविरुद्धको ओडीआई सिरिजको पहिलो खेलमा नेपालका कुशल भुर्तेलले अर्धशतक प्रहार गरेका छन् ।

क्यानडाविरुद्धको पहिलो एकदिवसीय शृंखलाको पहिलो म्याच कीर्तिपुरस्थित त्रिवि मैदानमा नेपालले टस जितेर ब्याटिङ गर्दा ओपनर कुशल भुर्तेलले अर्धशतक बनाएका हुन् ।

उनले ४४ बलमा अर्धशतक पूरा गर्ने क्रममा ८ चौका र १ छक्का प्रहार गरे । उनले अर्धशतक हिर्काउँदा नेपालले १३.४ ओभरमा १ विकेटको क्षतिमा ७१ रन जोडेको स्थिति थियो । कुशलको एकदिवसीयमा यो सातौँ अर्धशतक हो । 

कुशलका ओपनिङ पार्टनर आसिफ शेख ८ रनमै आउट भए भने कप्तान रोहितकुमार पौडेलले पनि ८ रनभन्दा बढी जोड्न सकेनन् । यस्तै, भीम सार्की १७ रन जोड्दा चौथो विकेटको रुपमा आउट भए । नेपालले २२.३ ओभरमा ४ विकेटको क्षतिमा १०८ रन जोडेको थियो । 

चार विकेट गुमाएपछि आरिफ शेख र कुशल मल्ल ब्याटिङमा छन् ।