क्यानडाविरुद्धको एकदिवसीय सिरिजको पहिलो खेलमा नेपाल ‘ए’ टीमले २१७ रनको लक्ष्य दिएको छ ।

मुलपानी क्रिकेट मैदानमा क्यानडाविरुद्ध टस हारेर पहिला ब्याटिङको निम्तो पाएको नेपाल ए टीमले निर्धारित ५० ओभरमा ८ विकेट गुमाएर २१६ रन बनायो ।

नेपालका बसिर अहमदले अर्धशतक गरे । उनी ५० रनमा अविजित रहे ।

रसिद खान ४० रन, मायन यादव ३५ रन, सन्दीप जोरा १४ रन, किरण ठगुन्ना २५ रन, विवेक यादव २१ रन, कप्तान विनोद भण्डारी ५ रन, प्रतिश जिसी ४ रन, र अर्जुन कुमाल ४ रन बनाएर आउट भए । शाहव आलम २ रन बनाए ।

क्यानडाका कप्तान साद बिन जफर सर्वाधिक ३ विकेट, डिलोन हेलिगरले १, इश्वरजोत सोहि २, हर्ष ठाकरले १ र सहिद अहमदजाईले १ विकेट लिए ।

क्यानडाले जवाफी ब्याटिङ गर्दैछ ।