•   राजन घिमिरे 

पोखरा समाज अस्ट्रेलियाले यती एयरलाइन्सको नाइन एन-एएनसी-एटिआर-७२-५०० विमान दुर्घटनामा परेर ज्यान गुमाएकाहरुको सम्झनामा दिप प्रज्वलन गरेको छ ।

समाजका  अध्यक्ष तारा गुरुङले दिप प्रज्वलन गरेर सुरु भएको कार्यक्रममा पोखरा समाज अस्ट्रेलियाका पूर्व महासचिव समित केसी र दिपक पहारीले मन्तव्य व्यक्त गर्दै विमान दुर्घटनामा ज्यान गुमाउनेहरु प्रति श्रद्धाञ्जली व्यक्त गरेका थिए ।

कार्यक्रममा समाजका निवर्तमान अध्यक्ष राजकुमार अधिकारी, उपाध्यक्ष हिउपति गुरुङ, एनआरएनए अस्ट्रेलियाका पदाधिकारीहरु, समाजका प्रतिनिधिहरु, विभिन्न सघंसंस्थाका प्रतिनिधिहरु तथा सिड्नी वरिपरि रहेका दिग्गज एवम् प्रतिष्ठित व्यक्तिहरुको उपस्थिति रहेको थियो । कार्यक्रमको सञ्चालन समाजका महासचिव प्रकाश सुवेदीले गरेका थिए ।