आईसीसी क्रिकेट विश्वकप लिग–२ अन्तर्गतको शुक्रबार भएको खेलमा नामिबियाले नेदरल्यान्ड्सलाई २०४ रनको लक्ष्य दिएको छ ।

कीर्तिपुरस्थित अन्तर्राष्ट्रिय क्रिकेट मैदानमा टस हारी पहिले ब्याटिङको निम्तो पाएको नामिबियाले ४१.३ ओभरमा अलआउट हुनुअघि दुई सय तीन रन बनाएको हो ।  

नामिबियाका लागि जान निकोलले ४९ रन, मालन क्रुकरले ३९ रन तथा जान फ्रायलिन्कले ३४ रन बनाए ।

नेदरल्यान्ड्सका लागि भिभियन किंग्माले सर्वाधिक ३ तथा आर्यन दत्त र रोएलोफ भानले २-२ विकेट हात पारे ।

जारी प्रतियोगितामा नामिबियाको यो चौथो खेल हो । नामिबिया चार अंकसहित तालिकाको पहिलो स्थानमा आसिन छ । नामिबियाले दुई खेलमा नेपाललाई हराएको थियो । एक खेलमा भने नेदरल्यान्ड्सले नामिबियालाई हराएको थियो ।