त्रिकोणात्मक टी-२० सिरिज अन्तर्गत पहिलो खेलमा नेपालले नामिबियाविरुद्ध पहिला बलिङ गर्ने भएको छ । कीर्तिपुरस्थित त्रिवि क्रिकेट मैदानमा भएको टसमा नामिबियाका कप्तान जेराल्ड इरास्मसले टस जितेर नेपाललाई पहिला बलिङका लागि निम्तो गरेको हो ।

नेपाल, नामिबिया र नेदरल्यान्ड्सबीच त्रिकोणात्मक टी-२० शृंखला अन्तर्गतको पहिलो खेल आज नेपाल र नामिबियाबीच हुँदैछ ।

फेब्रुअरी २९ मा नामिबिया र नेदरल्यान्ड्सबीच तेस्रो खेल हुनेछ । मार्च १ तारिखमा नेपाल र नामिबियाबीच चौथो तथा मार्च २ तारिखमा नेपाल र नेदरल्यान्ड्सबिच पाँचौँ खेल हुनेछ । छैटौँ खेल मार्च ३ तारिखमा नामिबिया र नेदरल्यान्ड्सबीच खेलिनेछ ।

नेपालको टोली
कुशल भुर्तेल, आसिफ शेख, रोहित पौडेल, कुशल मल्ल, अभिनाश बोहोरा, सन्दीप जोरा, सोमपाल कामी, करण केसी, विवेक कुमार यादव, गुलशन झा, दीपेन्द्र सिंह ऐरी ।