त्रिकोणात्मक टी-२० अन्तर्राष्ट्रिय क्रिकेट शृंखलाअन्तर्गत खेलमा नामिबियाले नेपाललाई २०७ रनको लक्ष्य दिएको छ ।कीर्तिपुरस्थित त्रिवि मैदानमा मंगलबार टस जितेर पहिले ब्याटिङ गरेको नामिबियाले ४ विकेटको क्षतिमा २०६ रन बनाएको हो ।

नामिबियाका लफ्टी इटनले सतकीय पारी खेले । उनले ३४ बलमा सतक पूरा गरे । १०१ जोडेर आउट भएका उनले ३६ बल खेल्दा ११ चौका र ८ छक्का प्रहार गरे । 

नामिबियाका मलान क्रुगरले ४८ बल खेल्दै ५९ रन बनाए । उनले ६ चौका र २ छक्का प्रहार गरे । मिचेल भान लिंगेनले २० रन बनाए भने जेपी क्रोज ११ रन बनाएर आउट भए ।

नेपालका कप्तान रोहित पौडेलले नामिबियाको दुई विकेट लिए । यस्तै अविनाश बोहरा र करन केसीले १/१ विकेट लिए ।