नेपालले त्रिकोणात्मक टी-२० आई सिरिजअन्तर्गत आफ्नो तेस्रो खेलमा नामिबियासँग खेल्दैछ । कीर्तिपुरस्थित त्रिवि मैदानमा टस जितेको नामिबियाले फिल्डिङ रोजेपछि नेपालले पहिले ब्याटिङ गर्ने भएको हो । 

खेलका लागि नेपाली टिममा तीन परिवर्तन गरिएको छ । कुशल भुर्तेल, सन्दीप जोरा र ललित राजवंशी बेञ्चमा छन् ।

खेलका लागि अनिल साह, आरिफ शेख र अभिनास बोहरा टिममा फर्किएका छन् । अनिल र आरिफले सिरिजमा पहिलो पटक खेल्न लागेका हुन् । 

नेपाल यसअघि भएका दुवै खेलमा पराजित भएको छ । पहिलो खेलमा नामिबियासँग २० रन र दोस्रो खेलमा नेदरल्यान्डसँग २ रनले पराजित भएको थियो । फाइनल पुग्ने सम्भावना कायमै राख्न नेपाललाई यो खेल जित्नैपर्ने दबाब छ ।