नेपाल सुनचाँदी व्यवसायी महासंघले बुधबारकाे लागि सुन–चाँदीको मूल्य सार्वजनिक गरेकाे छ । सार्वजनिक गरेकाे मूल्य अनुसार नेपाली बजारमा आज सुन–चाँदीको मूल्य घटेको छ । 

गत मंगलबारदेखि नयाँ रेकर्ड बनाएको सुनको मूल्य आज घटेको हो । 

मंगलबार छापावाल सुन प्रतितोला एक लाख २६ हजार रूपैयाँ र तेजाबी सुन प्रतितोला एक लाख २५ हजार चार सय रूपैयाँमा कारोबार भएको सुन महासंघका अनुसार आज छापावाल सुन प्रतितोला एक लाख २५ हजार रूपैयाँ र तेजाबी सुन प्रतितोला एक लाख २४ हजार चार सय रूपैयाँमा कारोबार भइरहेको छ ।

त्यसैगरी, मंगलबार प्रतितोला एक हजार तीन सय ८५ रूपैयाँमा कारोबार भएको चाँदी आज प्रतितोला एक हजार चार सय ६५ रूपैयाँमा कारोबार भइरहेको छ । अघिल्लाे दिनकाे तुलनामा आज चाँदी प्रतितोला २० रूपैयाँ घटेको हो ।

अन्तर्राष्ट्रिय बजारमा आज सुन प्रतिऔंस २१ सय ५९ अमेरिकी डलरमा कारोबार भइरहेको छ ।