आइतबारको प्रतिनिधि सभा बैठक शोक प्रस्ताव पारित गर्दै स्थगित भएको छ । जनता समाजवादी पार्टीकी सांसद मञ्जु शर्मा अन्सारीको निधनप्रति शोक प्रस्ताव पारित गरेर भोलीसम्मका लागि बैठक स्थगित भएको हो ।

२०४६ सालको जनआन्दोलनको क्रममा राजनीतिक यात्रा शुरु गरेकी ६० वर्षीया उनको चैत्र ४ गते (आज बिहान) काठमाडौंको सिभिल अस्पतालमा उपचारको क्रममा निधन भएको थियो ।

प्रतिनिधि सभाको अर्को बैठक चैत्र ५ गते (भोलि) बिहान ११ बजे बस्ने गरी बोलाइएको छ ।