सुन तस्करी प्रकरणमा माओवादी केनद्रका उपाध्यक्ष कृष्णबहादुर महरालाई पक्राउ गरेपछि नेपाली कांग्रेसका महामन्त्री गगन थापाले सरकारलाई धन्यवाद दिएका छन् ।

सोमबारको प्रतिनिधिसभा बैठककाे विशेष समयमा बोल्दै महामन्त्री थापाले महरालाई पक्राउ गरेकोमा सरकारलाई धन्यवाद दिएका हुन् ।

‘केही समयअगाडि तत्कालीन प्रतिपक्षी नेकपा एमालेले एउटा विषय जोडदार ढङ्गले उठायो । सुन तस्करी प्रकरणमा शक्तिशाली मान्छे संलग्न भएका छन् । त्यसैले प्रहरीको नियमित अनुसन्धानबाट उनीहरूमाथिको छानबिन सही टुङ्गोमा पुग्न सक्दैन’, ‘शक्तिशाली नेताहरूलाई लुकाउने प्रपञ्च भएको रहेछ भन्ने तत्कालीन प्रतिपक्षको आशङ्का सही साबित भयो । आयोगले प्रतिवेदन बुझाएको छ । भर्खर कृष्णबहादुर महरा पक्राउ पर्नुभयो भन्ने हामीले सुन्यौँ । उनले भने, सरकारलाई धन्यवाद छ ।’

‘सुन छानबिन आयोगले किटान गरेको मान्छे छुट्नु हुन्न हाम्रो साथ छ ।,’ थापाले भने, ‘तलमाथि भयो भने सरकारलाई प्रश्न गर्ने हाम्रो भूमिका छ । योसँगै हामीलाई एउटा कुरा सिकाएको छ । त्यो बेला नेकपा एमालेले जोडदार ढङ्गले आवाज नउठाएको भए । आयोग नबन्ने रहेछ । आयोग नबनेको भए सुन काण्ड फासफुस हुने रहेछ ।’