- राजन घिमिरे

नेपाली गीत - संगीतका ओजस्वी आवाज गायक कर्णदाश अष्ट्रेलियाको सिड्नीमा गुन्जने भएका छन् ।

नेपालीहरूको नयाँ बर्षको छेको पारेर सिड्नीको लिभरपुलमा अबस्थित क्याथलिक क्ल्बमा आयोजना हुन लागेको अब आउंने साल कार्यक्रममा गायक कर्णदाशले आफ्ना हिट नम्बरहरू प्रस्तुत गर्ने भएका छन् ।

एडभन्सन पार्क बाडिया नेपाली कम्यूनिटीले आयोजना गरेको यो कार्यक्रम चैत्र २३ गते शुक्रबार अर्थात् एप्रिल ५ तारेखका दिन हुने भएको छ । सिड्नीमा कर्णदास जस्ता गहन र स्तरिय गायकलाई उपस्थिति गराउंन पाएकोमा नेपाली समाजले गौरबको महशुष गरेको कुरा कम्यूनिटीका अध्यक्ष रन्जित राज वन्तले बताए । उनले कर्णदाससँगको गीत - संगीतको त्यो साँझ ऐतिहासिक र अबिष्मरणिय हुने दाबी पनि गरे ।

कार्यक्रममा सिड्नीमै रहेकी गायिका सुजाता उपाध्याय र नेपाल आइडियल सिजन - ४ को उत्कृष्ट ८ मा पर्न सफल आदेश पौडेलले पनि गीत संगीत प्रस्तुत गर्ने भएका छन् । कर्णदासलाई अष्ट्रेलिया ल्याउंने भिषा पार्टनरको रूपमा भने ईडियू कनेक्स कन्सल्टेन्सी माइग्रेसन रहेको छ ।

कर्णदासको जिन्दगीको के भरोसा…ठूला ठूला महल होइन….फर्कि आउ शान्ति तिमी….जस्ता दर्जनोैँ अर्थपूर्ण गितहरूप्रति देश तथा बिदेशमा रहनु हुन् नेपालीहरू परिचित हुनुहुन्छ ।